اجمل تعليقات الفيس بوك على كلمة عصام شرف فى ميدان التحرير

اجمل تعليقات الفيس بوك على نزول عصام شرف الى ميدان التحرير اليوم الجمعة 4 مارس 2011

** اليوم أنا سعيدة بوجود رئيس وزراء مثل د عصام شرف مثلما سعدت يوم تنحي مبارك المخلوع و ربما أكثر

** أكتر يوم سعيد فيه بعد تنحي مبارك.. فرحتي فوق الوصف

** المواطن بيخطف الميك من رئيس الوزرا وبيقوله احلف شايفين يا اللي عايشين في العبوديه؟

** لكل من شككوا في التحرير , لكل من اشتكوا في التعطيل وخراب البيوت هـاهو التحرير يحقق كل مطالبكم

** احـــلم معايا..حد كان يصدق رئيس الوزرا ينزل وسطينا..عشان الناس متوجعش دماغ اهالينا وتقول اتلطوا اعدوا ف بيوتكم يا خاربينها

** نوجه عناية المشاهدين أن الدكتور المهندس رئيس الوزراء عصام شرف لم يطلب من المتظاهرين إخلاء الميدان وشكرا

** احساسي بيقولي ان عصام شرف طيب اوي على انه يبقى رئيس حكومة. دي بلد ناشفة عايزة واحد جزار!! نص شعبها مضلل رسمي

** أنا مش مصدق .. شعبنا اختار رئيس وزرائه و شايله على الأعناق

** اهم حاجة عصام شرف يورينا صفوت الشريف بالبدلة الزرقا او حتي البيضا

واخيرا التعليق ده في صيغة دعاء عجبني جدا

**** يارب إرزقنا رئيس عسول يخلى اللحمة بسعر الفول ويدى لكل مواطن محمول ويدى لكل فتاة عريس أمور .. والوزير زي الغفير ميكونش متعالي ومغرور .. وبلاش يضحكوا علينا ولا يلبسونا الطرطور .. ويفضل شعبنا ديما منصور .. ويخلص مدته ومن غير ثوره يغور